Shvetsiyadagi o‘zbek diasporasi, O‘zbekiston elchixonasi va Milliy madaniy markaz haqidagi intevyu: O’zbekiston MTRK uchun
Zilola Yulchieva – Shvetsiyadagi O´zbek Milliy Madaniy Markaz rahbari:
Stokgolm-Toshkent zoom orqali intevyu, 24/12-2024
Ushbu suhbat davomida Shvetsiyadagi o‘zbek diasporasining faoliyati, Stokholm shahridagi O‘zbekiston elchixonasi qoshida tashkil etilgan Milliy Madaniy Markazning maqsad va yutuqlari haqida so‘z yuritildi. Shuningdek, o‘zbek madaniyatini Shvetsiyada keng targ‘ib qilish, vatandoshlarimiz uchun amalga oshirilgan loyihalar va kelajakdagi rejalar muhokama qilindi.
Shvetsiyadagi O‘zbekistonlik vatandoshlarining o‘z madaniyatini asrab-avaylash, yosh avlodga yetkazish va xalqaro miqyosda tanitish yo‘lidagi sa’y-harakatlari tahsinga loyiqdir. Milliy Madaniy Markazning faoliyati diasporamizning birligini mustahkamlash, urf-odatlarimizni saqlash, boy madaniy merosimizni Shvetsiya jamoatchiligiga tanishtirish va madaniyat yo‘nalishida hamkorlikni rivojlantirishga qaratilgani alohida ahamiyatga ega.
Shvetsiyadagi barcha vatandoshlarimizni elchixona, Vatandoshlar jamoat fondi va Milliy Madaniy Markaz bilan birgalikda amalga oshirilayotgan loyiha va sa’y-harakatlarda faol ishtirok etishga chorlaymiz.
Hamjihatlik va birdamlik orqali milliy madaniyatimizni yangi marralarga olib chiqish yo‘lida birlashaylik!
Ushbu yuksak tashabbusda faol qatnashgan barchaga chuqur minnatdorchilik bildiramiz!
Hurmat bilan,
Milliy Madaniy Markaz
O‘zbekiston Respublikasi Konstitutsiyasi kuni
Shvetsiyaning Stokgolm shahrida O‘zbekiston Respublikasinig Shvetsiyadagi Elchixonasi tomonidan, Konstitutsiya kuni munosabati bilan ko´plab elchixonalar va shved mehmonlari uchun tadbir tashkil etildi.
Tadbir davomida mehmonlar O‘zbekiston bilan yaqindan tanishib, hurmatli elchi janoblari Rahmatulla Nurimbetov tomonidan taqdim etilgan ma’ruza va nutqlarni tinglashdi. O´zbekiston Respublikasi Elchixonasi qoshidagi Milliy Madaniy Markaz bilan hamkorlikda O‘zbekistonning boy madaniyati va san’ati namoyish etilib, tadbirga alohida mazmun bag‘ishladi.
Xususan, “Xalqlar do‘stligi” ansambli o‘zining yorqin chiqishlari bilan ishtirokchilarga bayramona kayfiyat ulashdi. Milliy kuy-qo‘shiqlar, o´zbek palov va raqslari tadbirning asosiy qismiga aylanib, mehmonlarda katta taassurot qoldirdi.
Mazkur tadbir O‘zbekistonning Konstitutsiya kuniga bo‘lgan ehtirom va e’tiborni ifoda etish bilan birga, yurtimizning go‘zal madaniyatini xalqaro jamoatchilikka tanishtirishga xizmat qildi. Shuningdek, ushbu tadbir davlatlararo madaniy va ijtimoiy aloqalarni mustahkamlashda ham muhim ahamiyatga ega.
Ertaga O‘zbekiston elchixonasi xuddi shu dastur bilan barcha aziz yurtdoshlarni quyidagi manzilda kutadi:
Manzil: Rinkeby Folkets Hus (Skårbygränd 1, 163 72 Spånga).
Vaqt: Shanba, 7/12, soat 17.00-19.00
Kirish: Bebul
Xush kelibsizlar aziz yurtdoshlar!
O´zbek disaporasi kundan kunga jipslashib o´zaro hurmat va mustahkam munosabatlar barpo etilsin!
Hurmat bilan,
Milliy Madaniy Markaz
Shvetsiyadagi sport tadbirlari haqida batafsil ma´lumotni ”Sport”
bo´limida ham olishingiz mumkin.
2024 йил 30 ноябрь куни ўтказилган мазкур онлайн мулоқотда Ташқи ишлар вазирлиги, Стокгольмдаги Ўзбекистон Элчихонаси ҳамда ҳуқуқшунос иштирокида Швецияда яшаётган ватандошларнинг муаммолари муҳокама қилинди.
Учрашувнинг асосий мақсади – ватандошларимизнинг қийинчиликларини самарали ўрганиш, ҳуқуқий саволларига жавоб бериш, имкон борича қўллаб-қуватлаш ва ўзаро ҳамжиҳатликни мустаҳкамлашдир.
Мажлисни хурматли элчи жаноблари Раҳматулла Нуримбетов очиб берди. Мажлисда юрист Рухия Исаева, ҳуқуқшунос Шерзод Эралиева, элчихона ходимлари, Ташқи ишлар вазирлиги вакили ва 30 та ватандош ишторок этди.
Мулоқот давомида иштирокчилар ўзларини қизиқтирган масалаларни кўтариб, ҳуқуқий ва амалий ёрдам олиш имкониятига эга бўлдилар. Юрист томонидан бир қатор ҳуқуқий маслаҳатлар берилди, жумладан:
Иммиграция ва яшаш учун рухсатнома олиш жараёнлари.
Ватандошларнинг фирибгарлар қўлига тушиб қолиш олдини олиш.
Меҳнат ҳуқуқлари ҳамда ижтимоий ҳимоя масалалари.
Консуллик хизматлари.
Швециядаги қонунчилик ва унинг талаблари ҳақида тушунчалар.
Болалар хуқуқларига оид қадриятлар тўқнашуви. Болаларни оилалардан тортиб олиш муаммоларни олдини олиш режасини тузиш.
Бола ҳуқуқлари тўғрисидаги конвенсия Швецияда 2020-йил қонунлаштирилганлиги хақида муҳокама қилинди. Барча болали оилалар 54 та мақолани ўрганиб чиқиш кераклиги ҳақида маслаҳат қилинди: https://tergov.uz/uz/childs/konventsija-o-pravah-rebenka
Тадбир очиқ ва самарали ўтди, иштирокчилар ўз миннатдорчиликларини изҳор этишди. Мулоқотни давом эттириш ва мунтазам равишда шундай тадбирларни ташкил этиш бўйича маълумот берилди.
Элчи жаноблари Раҳматулла Нуримбетов ҳуқуқий саволлар бўйича юрист Рухия Исаевага мурожат қилишни тавсия қилди: +46722441377, info@rulexconsulting.se
Hurmat bilan,
Milliy Madaniy Markaz
— med O’zbekistonning Shvetsiyadagi Elchixonasi.
Ўзбекистон Республикаси Конституцияси қабул қилинган кун
Азиз ватандошлар,
Барчангизни 2024 йил 7 декабрь, Шанба куни, соат 17.00-19.00 да Ўзбекистон Республикаси Конституцияси қабул қилинган кун муносабати билан ташкил этилаётган концерт дастурига лутфан таклиф этамиз.
Тадбиримиз меҳмонлари ”Халқлар дўстлиги” ансамбли хонанда ва созандалари.
Тадбир якунида ош дастурхони ёзилади. Концертга ташриф буюриш бепул.
Концерт ва қабулга ташриф буюриш истагида бўлган ватандошлардан мазкур хабар тагига ”+” белгисини қолдиришларини сўраб қоламиз.
“+” белгисини элчихона телеграм каналида қолдиринг.
Манзил: Rinkeby Folkets Hus (Skårbygränd 1, 163 72 Spånga).
Ҳурмат билан,
Ўзбекистоннинг Стокгольмдаги Элчихонаси
O‘zbekiston Respublikasi Mustaqilligining 33 yilligiga bag‘ishlangan Shaxmat turniri, Stokgolmda bo´lib o´tdi!
Stokgolm shahrida O’zbekiston mustaqilligining 33 yilligi nishonlandi!
STOKGOLM, 15-sentabr. /”Dunyo” AA/. O’zbekiston Elchixonasi tomonidan Stokgolm mamlakatimiz shahrida mustaqilligining 33 yilligiga bag’ishlangan shaxmat turniri tashkil etildi, deb xabar bermoqda ”Dunyo” AA muxbiri.
Turnirda Shvetsiyaning turli hududlaridan tashrif buyurgan 20 dan ortiq ishtirokchi qatnashdi.
Musobaqani boshqarib borgan Stokgolm shaxmat federatsiyasi hakamlari Yonas Sendbom va Birger Vensel O’zbekiston fuqarolarining shaxmatga bo’lgan qiziqishi va ularning tadbirdagi faolligiga yuqori baho berishdi hamda turnir to’g’risida o’z fikr va mulohazalari bilan bo’lishishdi.
Shuningdek, shved hakamlari O’zbekistonda shaxmat sport turi rivojlanib borayotgani hamda mamlakatimizda xalqaro arenalarda shuhrat qozonayotgan yosh va istiqbolli shaxmatchilar yetishib chiqayotganini alohida e’tirof etishdi. Xususan, xorijiy hakamlar O’zbekiston shaxmat terma jamoasining 2022-yilda 44-Butunjahon shaxmat olimpiadasida g’alabasi hamda ayni vaqtda Vengriyada o’tkazilayotgan 45-Butunjahon shaxmat olimpiadasida muvaffaqiyatli odimlayotganini olqishlashdi.
Tadbir yakunida g’olib va sovrindorlarga ”Vatandoshlar” jamoat fondi va elchixonaning esdalik sovg’alari taqdim qilindi.
Birger Vensel, Stokgolm shaxmat federatsiyasi hakami ”Dunyo” AA muxbiri savollariga javob berdi:
– Bugungi shaxmat turniri to’g’risida fikrlaringiz qanday?
– Mazkur shaxmat turnirini O’zbekistonning Stokgolmdagi elchixonasi bilan birgalikda ikkinchi marotaba o’tkazishimiz. O’tgan yili sentyabr oyidagi ilk turnir juda muvaffaqiyatli bo’lgandi. Bugungi tadbir ham ajoyib o’tmoqda. O’zbekistonliklar o’z madaniyati va faolligini namoyish qilmoqda. Musobaqa milliy taom va qo’shiqlar bilan bayramona va do’stona ruhda kechmoqda.
– O’zbek shaxmatchilarini bilasizmi?
– Albatta. 2 yil muqaddam O’zbekiston shaxmat milliy terma jamoasi dunyodagi ikkinchi eng yirik sport turniri bo’lmish Butunjahon shaxmat olimpiadasida g’alaba qozongan edi. Bu voqea ko’pchilikni hayratga solgandi. Chunki o’sha vaqtga qadar O’zbekistonda mashhur va xalqaro reytinglarda yuqori o’rinda turuvchi grossmeyster haqida eshitmaganmiz. Bugungi grossmeysterlarni ko’rib, O’zbekistonda so’nggi yillarda shaxmat sohasida iqtidorli yoshlarni aniqlash borasida olib borilgan ishlardan Shvetsiya ham o’rnak olsa arziydi. Bu juda katta yutuq deb hisoblayman. Menimcha, O’zbekistonning Stokgolmdagi elchixonasi ko’magida O’zbekiston va Shvetsiya o’rtasida shaxmat sport turi bo’yicha tajriba almashish dasturlarini amalga oshirish ikki tomon uchun ham manfaatli bo’ladi.
– Bugungi ishtirokchilar orasida kelgusida katta muvaffaqiyatga erishish uchun salohiyatga ega bo’lganlarni ko’ryapsizmi?
– Qatnashchilar ichida bir qiz Zulfiya Miradulla Stokgolmdagi shaxmat turnirlarida muntazam ishtirok etib keladi. Judayam iqtidorli. O’ylaymanki, agar bu shaxmatchi ushbu sport turi bilan shug’ullanishni davom ettirsa, muvaffaqiyat qozonishi mumkin.
Yonas Sendbom, Stokgolm shaxmat federatsiyasi hakami:
– Bugungi shaxmat turniri haqida nima deya olasiz?
– Tadbir juda yaxshi o’tmoqda. O’zbekistonlik shaxmatchilar va ushbu sport turi ishqibozlarini ko’rib turganimizdan, ayniqsa ular orasida bolalarning ko’pligidan xursandmiz.
– O’zbekistonlik mashhur o’zbek shaxmatchilari to’g’risida eshitganmisiz?
– Albatta. O’zbekiston dunyodagi eng zo’r shaxmat jamoalaridan biri. O’zbekiston shaxmat terma jamoasining 2022-yilda 44-Butunjahon shaxmat olimpiadasida g’alabasidan xabardorman. 2026-yilgi Butunjahon shaxmat olimpiadasini kuzatish uchun O’zbekistonga tashrif buyurish istagim bor.
”Dunyo” AA:
https://dunyo.info/uz/33-ya-godovschina-nezavisimosti-uzbekistana/stokgolm-sha%D2%B3rida-%D0%8Ezbekiston-musta%D2%9Billigining-33-yilligi-nishonlandi— med O’zbekistonning Shvetsiyadagi Elchixonasi.
O‘zbekiston Respublikasi Mustaqilligining 33 yilligiga bag‘ishlangan Shaxmat turniriga marhamat
Turnir kattalar (12 yoshdan katta) va bolalar (12 yoshgacha) o‘rtasida bo‘lib o‘tadi. Ishtirokchilar soni cheklangan. Turnir yakuni bo’yicha g‘oliblar munosib taqdirlanadi.
Shaxmat turnirida qatnashish uchun (ism-sharifi va tug`ilgan yili) 7-sentyabrga qadar se.uzembassy@mfa.uz elektron pochta manziliga murojaat qilib, ro‘yxatdan o‘tishlari (jumladan kuzatuvchilar va oila a`zolari ham) va Elchixonadan tegishli tasdiq olishlari lozim.
Turnir davomida osh dasturxoni yoziladi.
Diqqat! Stokgolm Shaxmat Federatsiyasi binosida joylar cheklanganligi sababli imkon qadar tezroq ro‘yxatdan o‘tishni tavsiya etamiz.
Xohlaganlar turnirga qadar ushbu sahifada shug´ullanib turushi mumkin:
https://www.chess.com/play/online
Hush kelibsiz!
”Oltin kuz” loyihasi
“Siz O‘zbekistonni bilasizmi?”
xalqaro onlayn viktorinasining III mavsumiga start beradi.
Qadrli vatandoshlar!
Mazkur viktorinada xorijda istiqomat qilayotgan vatandoshlar ishtirok etishlari mumkin. Viktorinada har bir mamlakatdan qatnashgan va eng yuqori ball to’plagan 1 nafardan vatandoshlar g’olib deb topiladi.
Xalqaro onlayn viktorinada ishtirok etish uchun https://vatandoshlarfondi.uz/ elektron portalidan joriy yilning
1 iyulidan 15 iyuliga qadar ro‘yxatdan o‘tib, sinovlarda qatnashing va g‘oliblikni qo‘lga kiriting!
Batafsil videorolikda.
Hurmat bilan,
“Vatandoshlar” jamoat fondi
“Сиз Ўзбекистонни биласизми?” халқаро онлайн викторинасининг III мавсуми бошланганлигини маълум қиламиз. Ушбу видеоролик орқали Сиз ҳам ушбу танлоавда иштирок этиб ва албатта ғолиб деб топилишингиз мумкин. Танловда иштирок этиш учун жорий йилнинг 1 июлидан 15 июлига қадар www.vatandoshlarfondi.uz электрон портали орқали рўйхатдан ўтиш мумикн. Ғолиблар Ватандош жамоат фонди жамғармаси ҳисобидан Ўзбекистон бўйлаб қизиқарли туристик ва маданий дастурларда иштирок этишлари мумикн.
”Men o‘zbekistonlikman — qonimda g‘alaba”
vatandoshlarimiz orasida chellenj
Mamlakatimiz tarixida ilk bor futbol bo‘yicha Olimpiya terma jamoasiga rasmiy madhiya yaratildi.
Mazkur madhiya – ”Men o‘zbekistonlikman — qonimda g‘alaba” loyihasi doirasida yaratilgan.
Shuningdek, loyiha doirasida vatandoshlarimiz orasida chellenj e’lon qilingan.
Chellenjda vatandoshlar 20 iyulga qadar ”O‘zbekistonlik” trekidan foydalanib, futbol mavzusida suratga olingan 1 daqiqali videoni Instagram ijtimoiy tarmog’ida #qonimdagalaba heshtegi bilan joylashlari kerak bo’ladi.
10 ta eng yaxshi videoning har biri uchun 50 million so‘m pul mukofoti beriladi.
G’oliblarni taniqli sportchilar va media vakillaridan iborat hay’at a’zolari saralaydi.
Hurmat bilan,
Vatandoshlar fondi
ELCHIXONA KUBOGI II, 2024, Shvetsiya!
Shvetsiyadagi hayajonli an’anaga kirib borayotgan ELCHIXONA KUBOGI barchamizni jipslashtirishga, birlashtirishga xizmat qilib, o´zbek diasporasini kundan kunga o´sib mustahkam bo´lishiga olib kelyapti!
Ushbu sport musobaqalaridan zavqlanib, vaqtimizni maroqli va bo´lajak avlodga o´rnak bo´lib o´tkazyapmiz. Ko´plab vatandoshlarning tashabbusi bilan tashkil etilgan ushbu musobaqa barchamiz uchun juda qadrlidir!
Turnirni tashkilashtirishda bosh qosh bo´layotgan barcha yurtdoshlarimiz, O’zbekistonning Shvetsiyadagi Elchixonasi, VATANDOSHLAR JAMOAT FONDI, O´zbek Milliy Madaniy Markaz ko´plab jamoalar, Shvetsiya futbol assotsiatsiyasidan tashrif buyurgan murabbiylar, tomoshaga kelgan ashshadiy muxlislarga cheksiz minnatdorchiligimizni bildiramiz. Siz bilan turnirimiz fayzli, hayajonli va a´lo kayfiyatda o´tdi!
Safimiz kundan kunga kengayib borsin!! Madaniyat va sport marosimlari soni tariximizda ko´paysin!
Barchaga a´lo kayfiyat tilab qolamiz!
O’zbekistonning Shvetsiyadagi Elchixonasi,
Shvetsiya qirolligida II “ELCHIXONA KUBOGI 2024” ga marhamat!
Assalomu alaykum, hurmatli Shvetsiyada istiqomat qilayotgan qadrdon vatandoshlar!
Shvetsiydagi o’zbek disaporasi tarixida ikkinchi marotaba o´zbeklar jamoalar aro ”Elchixona kubogi 2024” bo´lib o´tadi!!!
Manzil: Alby IP Bollplan, Botkyrka
Kun: 22-iyun 2024
Soat: 08.00-18.00
Ushbu futbol musobaqasi Shvetsiya qirolligidagi O´zbekiston Respublikasi Elchixonasi, Vatandoshlar jamoat fondi va elchixona qoshida tashkil etilgan Milliy Madaniy Markaz hamkorligida o´tkazilib, musobaqada hozirgi kungacha 10 ga yaqin jamoa o´z ishtirok istagini bildirdi.
Bular: Maksimum, Hijron, Ko´ktosh, Turon, Hoffen, Ishtihon, Maroqand, Vodiy, Ko´ktosh2 va boshqalar.
Musobaqa ishtirokchilari uchun ma´lumot:
10-iyungacha jamoalar o`z ishtirokchilarining ro´yxatini yuborishlari kerak.
15-iyun kuni jamoalar guruhlarga bo´linadi.
Turnir qoidalari:
1. Har bir jamoa 14 nafar futbolchi bilan turnirda ishtirok etishi mumkin.
2. Maydonda 8 futbolchi harakat qiladi. 1 ta darvozabon hamda 7 o´yinchi.
3. Har bir jamoa futbol o´yinchilari bir hil sport formasida bo´lishlari lozim.
4. Futbolchilarning yoshi 16 yoshdan yuqori bo´lishi kerak.
Musobaqada ro´yhatdan o´tish va savollarga javob olish uchun quyidagi manzilga murojat qilishingzi mumkin:
Tel: +46737645971
Telegram: @BILALOL_MSH
Tomoshabinlar uchun ma´lumot:
Musobaqada jamoalar qizg´in tayyorgarlik ko´rib siz aziz vatandoshlarimiz bilan birgalikda ko´tarinki kayfiyatda o´tkazishni maqsad qilganmiz.
Keling, tomosha qiling va zavqlaning!!!
Hush kelibsiz aziz yurtdoshlar!
Hurmat bilan,
Shvetsiya qirolligidagi O´zbekiston Respublikasi Elchixonasi,
Vatandoshlar jamoat fondi
Milliy Madaniy Markaz
Shvetsiya qirolligida ilk bor ”ELCHIXONA KUBOGI 2023”
21-fevral Shvetsiyada “Xalqaro ona tili kuni” ga bag´ishlangan ko´rgazma, Salems kutubxona, 2024
